Sansar News
२० मंसिर, काठमाण्डौं । राष्ट्रिय अनुसन्धान विभाग (राअवि) ले सार्वजनिक पदधारण गरेका र विभिन्न पेसा÷व्यवसायमा संलग्न रहेका व्यक्तिरुको तीनपुस्ते सम्पत्ति विवरण संकलन गर्न थालेको छ ।
राष्ट्रिय सुरक्षा सम्बन्धी सूचना संकलन गर्दै आएको गुप्तचर विभागलाई सरकारले आर्थिक क्षेत्रका सूचना बटुल्न समेत सक्रिय बनाएको शुक्रबारको कान्तिपुर दैनिकमा समाचार छ ।
प्रधानमन्त्री कार्यालय सम्बद्य स्रोतका अनुसार राअविले गैरकानुनी रुपमा सम्पत्ति आर्जन गरेको आशंकामा ‘शंकास्पद’ व्यक्ति तथा तिनका परिवारको आर्थिक स्थितिको अभिलेख राख्न थालेको छ ।
नागरिक तहको सम्पत्ति विवरण संकलन थाल्नुअघि राअविका मुख्य अनुसन्धान निर्देशक (प्रमुख) गणेश अधिकारीले केपी शर्मा ओलीलाई आन्त्रिक सुरक्षा र सुशासन विषय समेटिएको ‘विशेष कार्ययोजना’ प्रस्तुत गरेका थिए ।
वि.सं.२०७६ मंसिर २० शुक्रवार ०८:१२ मा प्रकाशित
