हामी सबैकाे संसारन्यूज

२३ मसिंर, काठमाडौँ । सरकारले तोकेको भन्दा बढी शुल्क असुलीको विरोधमा आन्दोलनरत मेडिकल कलेजका विद्यार्थीले आइतबारको वार्षिक परीक्षा पनि बहिष्कार गरेका छन् ।

चितवन, नेसनल, युनिभर्सल र गण्डकी मेडिकल कलेजका विद्यार्थीले बहिष्कार गरेका हुन् । आइतबार एमबिबिएस र नर्सिङको पहिलो वर्षका विद्यार्थीको परीक्षा थियो । परीक्षा बहिष्कार गरेका चितवन मेडिकल कलेजका विद्यार्थीले दिउँसो मुखमा कालोपट्टी बाँधेर धर्नासमेत दिए । गण्डकीमा केही विद्यार्थीले भने परीक्षा दिएका छन् ।

गत बिहीबार पनि चारवटै कलेजका एमबिबिएस विद्यार्थीले बहिष्कार गर्दा गण्डकीमा प्रिन्सिपल र सिइओका छोराछोरीसहित पाँचजनाले मात्रै परीक्षा दिएका थिए ।

१० मसिंरमा सरकारले मेडिकल कलेजसँग विद्यार्थी आन्दोलनबीच शिक्षा मन्त्रालयका प्रतिनिधि कलेजमै गएर दबाब दिएपछि युनिभर्सल मेडिकल कलेजले दोस्रो वर्षका विद्यार्थीलाई चेकमार्फत रकम फिर्ता गरेको छ । प्रथम वर्षको रकम आगामी शुल्कमा समायोजन गर्ने सहमति भएको छ । सोमबारको नयाँ पत्रिकाबाट