Sansar News
२३ मंसिर, काठमाण्डौ । पर्वतको पैञ्यू गाउँपालिका ४ हातेमालो चोकका किसान रिजालको सोमबार बिहानै निधन भएको छ ।
विगत पौने २ वर्षदेखि विभिन्न अस्पतालमा उपचार गराउँदै हातेमालो चोकमै बसिरहेका किसानको सोमबार बिहान निधन भएको हो ।
२०७४ को अन्तिममा अचानक मष्तिस्क घात भएपछि काठमाण्डौंको गंगालाल अस्पतालमा लामो समय राखेर उनको उपचार गरिएको थियो । मर्दिखोला बजार समिति हातेमालो चोक, काठमाण्डौंमा रहेका पैञ्युवासी तथा देश विदेशमा रहेका पैञ्युवासीहरुको सहयोगमा उनको उपचार खर्च जुटाइएको थियो ।
शारिरीक रुपमा स्वस्थ्य होउन्जेल सबैको प्रिय पात्र भएका कारण उनको उपचारमा राम्रो सहयोग जुटेको थियो । रिजाललाई आइतबार मात्रै अक्सिजन सहित पोखराबाट पर्वत लगिएको परिवारीक श्रोतले जनाएको छ ।
स्वर्गीय किसानका श्रीमती विष्णु तथा छोरी अर्चना र छोरा अविनाश रहेका छन् ।
वि.सं.२०७६ मंसिर २३ सोमवार ०९:२८ मा प्रकाशित
