हामी सबैकाे संसारन्यूज

२४ मसिंर काठमाडौँ । शिक्षा, विज्ञान तथा प्रविधिमन्त्री गिरिराजमणि पोखरेलले कृषि शिक्षा, ग्रामीण विकास र विभिन्न क्षेत्रका लागि नेपाली जनशक्तिलाई लामो तथा छोटो अवधिका तालीम दिन इजरायल सरकारसँग आग्रह गरेका छन् ।

मन्त्री पोखरेलले इजरायलका लाग नेपाली राजदूत बेन्नी ओमर र प्रतिनिधिमण्डसँग सोमबार सिंहदरबारमा भेट गर्दै नेपालको जलस्रोत, पर्यटन, सूचना प्रविधि, प्राविधक शिक्षा तथा व्यावसायिक तालीम प्राप्त हुन सकेमा आर्थिक समृद्धिको अभियानमा निकै ठूलो सहयोग पुग्ने जनाएका हुन् ।

नेपाल र इजरायलबीच सन् १९६० देखिको कूटनीतिक सम्बन्ध रहेको छ भने हालसम्म नेपालको कृषि शिक्षा, ग्रामीण विकास, जलस्रोत, पर्यटन क्षेत्रमा नेपालका सरकारी कर्मचारी, प्राध्यापक युवाले इजरायलमा उच्चस्तरका लामा तथा छोटा अवधिका तालीम प्राप्त गर्दै आएका छन् । कृषि तथा विज्ञान र प्रविधिको क्षेत्रमा इजरायलकोे अभ्यासलाई उदाहरणका रुपमा लिइन्छ । नेपालमा जारी विद्यालय क्षेत्र विकास कार्यक्रमका लागि पनि इजरायलले तालीम र अनुभवका क्षेत्रमा सहयोग गर्दै आएको छ ।