हामी सबैकाे संसारन्यूज

२५ मंसिर, अमेरिका । वेयष्टर वे टाउन, न्यूयोर्कले डिसेम्बर २२ लाई ‘विश्व रक्तदाता अर्जुन मैनाली दिवस’ घोषणा गरेको छ ।

सन् २००७ देखी ओयष्टर वेटाउनको हिक्सभिलमा बस्दै आएका अर्जुन मैनालीले अमेरिकाको १४ राज्यहरुमा रक्तदान र उत्प्रेरणा गरेका छन् ।

उनले हालसम्म ६ वटै महादेशका १७ देशहरुमा १७२ पटक रक्तदान (१२३ होल ब्लड र ४९ पटक प्लेट्लेटस) गरेका छन । उनको आफ्नै रगतले ५१६ जनासम्मलाई बचाउन सहयोग हुन्छ ।

अमेरिकामा दैनिक करीब ४० हजार युनिट रगत चाहिन्छ । न्यूयोर्क शहर देखी ४० किलोमिटर टाढाको ओयष्टरवे टाउनमा तीनलाख जनसंख्या छ ।

स्थानिय सरकारले समुदायका कामलाई महत्वपूर्णठानी आम–जनमानसमा सन्देश पुर्याउन दिवस घोषणा गर्दछ । स्थानिय बासिन्दा अर्जुन मैनालीले रक्तदानको क्षेत्रमा स्थानिय, राष्ट्रिय र अन्तराष्ट्रियसम्म अतुलनिय योगदान पुर्याएका हुनाले ओयष्टर वे टाउनले विश्व रक्तदाता अर्जुन मैनाली दिवस घोषणा गरेको हो ।

प्रशव अवस्थामा अत्यधिक रक्तश्राव भएकी पत्निलाई सन् १८१८ डिसेम्बर २२ मा सिरिन्ज प्रयोग गरेर श्रीमानकै पाखुराबाट चार औंस रगत निकाली रक्त सन्चारगरेका थिए । संसारमा यो नै पहिलो सफल मानव रक्तसन्चार थियो ।