हामी सबैकाे संसारन्यूज

२५ मंसिर । २०७६ मंसिर २५ गते बुधबार साँझ नेपालको पश्चिमी भुभागबाट न्युन चापिय प्रणालीको प्रवेश भएको छ र पूर्व सर्ने क्रममा रहेको छ। यस प्रणालीका कारण पश्चिमी उच्च पहाडी र हिमाली भूभागमा भारी हिमपातको सम्भावना रहेको जल तथा मौसम विज्ञान विभाग
मौसम पूर्वानुमान महाशाखाले जनाएको छ।

महाशाखाद्वारा साँझा जारी गरिएको बिशेष मौसम बुलेटिनमा पश्चिमी भुभागबाट प्रवेश गरेको न्युन चापिय प्रणालीका कारण नेपालका पश्चिमी उच्च पहाडी र हिमाली भूभागमा भारी हिमपात हुने सम्भावना रहेको उल्लेख छ।

यो प्रणाली बिहीबार अझै सशक्त भई देशका मध्य र पूर्वका उच्च पहाडी र हिमाली भूभागमा समेत हिमपातको सम्भावना रहेको बताइएको छ।
उक्त प्रणालीका कारण देशैभरी बदली भई अधिकतम र न्युनतम तापक्रममा गिरावट आई देशैभरी चिसो बढ्ने र देशका पश्चिमी भूभागका धेरै स्थानहरूमा र मध्य तथा पूर्वी भूभागका केही स्थानहरूमा हल्का वर्षाको सम्भावना समेत रहेको जनाइएको छ।

बुधबारबाट शुरू भई यो मौसमी प्रणाली शनिबार सम्ममा अन्त्य हुने बताइएको छ । उच्च पहाडी र हिमाली भूभागमा भारी हिमपात हुन सक्ने र पहाडी भेगमा वर्षा हुने र साथसाथै तापक्रममा गिरावट पनि हुने सम्भावना रहेको हुनाले सतर्कता अपनाउन हुन सर्वसाधारण लगायत सबैमा अनुरोध गरिएको छ।

मिति २०७६ मंसिर २५ गते बुधबार साँझ नेपालको पश्चिमी भुभागबाट न्युन चापिय प्रणालीको प्रवेश भएको छ र पूर्व सर्ने क्रममा रहेको छ। यस प्रणालीका कारण पश्चिमी उच्च पहाडी र हिमाली भू-भागमा भारी हिमपातको सम्भावना छ। थप जानकारीको लागिः https://t.co/6smAKwNt67

— Nepal Weather Forecast (@DHM_Weather) December 11, 2019