Sansar News
२५ मंसिर । बिहिबार सार्वजनिक बिदाका खबरहरु आएसँगै गृहमन्त्रालयले भने बिदा नभएको जनाएको छ ।
गृह मन्त्रालयको हेल्लो सरकारको आधिकारीक फेसबुकमार्फत सूचना अधिकारी उमाकान्त अधिकारीले भोलि बिहिबार सार्वजनिक बिदा नभएको स्पष्ट पारेका छन् ।
अधिकारीका अनुसार ‘सूचना विभागले जारी गरेको क्यालेन्डरमा उल्लेखित विदाबाहेक अरु आधिकारिक होइनन्, भोलि सार्वजनिक विदा दिइएको छैन ।’
सम्बन्धित धर्म, संस्कृति, भौगोलिक क्षेत्र र स्थान विशेषका लागि मात्र सार्वजनिक बिदा हुने व्यवस्था रहे अनुसार भोलि मंसिर २६ गते किराँत जातिको उद्याली पर्व, योमरी पुन्हि ज्यापु दिवस (मंसिर पूर्णिमा धान्य पूर्णिमा) मनाउनेहरुलाई भने बिदा हुने जनाइएको छ ।
वि.सं.२०७६ मंसिर २५ बुधवार २०:४८ मा प्रकाशित
