Sansar News
कलाकार निता ढुंगानाले आफूलाई बेहुली बन्न मन लागेको बताएकी छन् । दुलहीको रुपमा श्रृंगार गरेकी नायिका ढुंगानाले बुधबार आफ्नो सामाजिक संजालमा उक्त फोटो राख्दै लेखेकी छन् ‘तिम्रो घरमा बेहुली बनेर आउन मन छ । तर, कस्को घरमा मलाई थाहा छैन ।’
उनको यो रहरलाई केहीले मेरो घरमा आउ वेलकम छ भनेका छन्, केहीले आफ्नो घरको ठेगाना नै दिएर आउ भनेका छन् भने केहीले मलाई थाहा छ लगायतका कमेन्टहरु उनको फेसबुकमा गरिरहेका छन् ।
मंसिर महिना सबैभन्दा बढी बिहेको लगन भएको महिना मानिन्छ । उनको यस्तो रहरलाई धेरैले रमाइलो बनाएर कमेन्ट गरिएको पाइन्छ ।
पछिल्लो समय निर्देशक उदय सुब्बाको चलचित्र आकासेखेतीको छायांकनमा व्यस्त रहेकी नायिका ढुंगाना केही समय नायक आमेश भण्डारीको प्रेम सम्बन्धमा रहेकी थिइन् । पछि उनीसँग सम्बन्ध टुटेपछि अमेरिकामा रहने एक नेपाली युवासँग प्रेम सम्बन्धमा रहेको भनिएकी ढुंगानले त्यो प्रेम सम्बन्ध नरहेको बताउँदै आएकी थिइन् ।
वि.सं.२०७६ मंसिर २६ बिहीवार ०९:४१ मा प्रकाशित
