Sansar News
२६ मंसिर, राजविराज । वडाअध्यक्ष माथि एक महिलाले सामुहिक बलात्कार प्रयासको आरोप लगाएकी छिन् ।
आरोप लागेका वडा अध्यक्ष हुन् सप्तरीको सम्भुनाथ नगरपालिका १२ का ५५ वर्षीय लक्ष्मी साह । सामहिक बलात्कारको आरोपमा प्रहरीले उनीसहित ३ जनालाई पक्राउ गरेको आजको राजधानी दैनिकमा समाचार छ ।
वडा अध्यक्ष साह स्थानीयतहको निर्वाचनमा नेपाली कांग्रेसका तर्फबाट निर्वाचति भएका हुन् । उनले सोही वडा निवासी भनिएकी महिलालाई सामुहिक बलात्कारको प्रयास गरेको आरोप ती महिलाले लगाएकी छन् ।
ती महिलाले प्रहरीमा दिएको उजुरीमा साहले गत मंसिर १४ गते दुईजना मानिसलाई मोटरसाइकलमा पठाइ, ‘तिमी सँग केही कुरा गर्नुछ वडा अध्यक्षले बोलाउनु भन्नुभएको छ’ भन्दै कुखुरा फर्ममा बोलाई लगेको र त्यहाँ पुग्दा सामुहिक बलात्कारको प्रयास गरिएको उल्लेख गरेकी छन् ।
तर, वडाअध्यक्षले भने गाउँकै विवादमा ती महिलालाई पंचायतका लागि बोलाइएको र उनको अनूकुल पंचायतमा निर्णय नहुने देखेपछि रिसाएर हिँडेको बताएका छन् ।
वि.सं.२०७६ मंसिर २६ बिहीवार ०९:५६ मा प्रकाशित
