हामी सबैकाे संसारन्यूज

२७ मंसिर, काठमाण्डौं । यदि तपाई साउदीमा काम गरेर विदामा फर्कनु भएको छ र समय अवधिमै नफर्कने विचार गर्नु भएको छ भने ख्याल गर्नुहोस् प्रतिबन्धमा पर्नुहोला ! साउदी सरकारले विदामा आएर कामदारको भिसाको म्यादभित्रै नफर्के साउदीमा पुन : सोहि रोजगारीमा जान या अन्य रोजगारीमा जान नपाउने गरी यस्तो नियम लागू गरेको छ ।

साउदीको राहदानी विभागले भिसा रद्द नगरी साउदी छाडेर आएपछि पुन :सोहि रोजगारदातामा नफर्किए तीनवर्ष साउदी जान नपाउने नीति जारी गरेको हो ।

विदामा घर फर्किएका धेरै कामदार सोहि रोजगारदाताकोमा नर्फकिदा कामदार अभाव भएपछि रोजगारदाता समस्यामा परेका कारण यस्तो नीति ल्याइएको बताइएको छ । साथै साउदी सरकारले गैरकानुनी रुपमा कामदार भर्ति गर्ने साउदी रोजगारदाताहरुलाई १ लाख साउदी रियाल सम्म जरिवाना गर्ने नीति ल्याएको पनि शुक्रबारको कान्तिपुर दैनिकमा होम कार्कीले लेखेका छन् ।

पछिल्लो समय कामका आधारमा ज्याला नपाउने र बचत नहुने भएपछि धेरै कामदारहरु पुन: सोहि रोजगारदाताकोमा फर्कन इच्छुक नदेखिएका हुन् ।