Sansar News
२९ मंसिर, काठमाण्डौं । दोलखाको कालिन्चोक मन्दिर दर्शन गरेर आउँदै गरेको बस सिन्धुपाल्चोक सुनकोशी गाउँपालिका वडा नं ६ मा दुर्घटना हुँदा १२ जनाको मृत्यु भएको हो ।
बिहान सवा ८ बजे भएको उक्त बा ४ ख ४४६८ नम्बरको रिर्जभ बस ६ किलो भन्ने स्थानमा दुर्घटना हुँदा १२ जनाको मृत्यु भएको र १८ जना घाईते भएको सिन्धुपाल्चोक प्रहरीका इन्सपेक्टर गणेश खनालले संसारन्युजलाई जानकारी दिएका छन् ।
घाईतेहरुको उद्धार भइरहेको पनि उनले बताएका छन् । दुर्घटना के कारण भएको भन्ने खुल्न नसकेको पनि इन्सपेक्टर खनालले जानकारी दिएका छन् ।
वि.सं.२०७६ मंसिर २९ आइतवार ०९:२१ मा प्रकाशित
