हामी सबैकाे संसारन्यूज

२ पुस, काठमाडौँ । राष्ट्रसेवक कर्मचारीलाई घुस दिन खोज्दा हाल जिल्ला स्याङजा वालिङ नगरपालिका वडा नं. ८ बस्ने जहरुदिन तेली पक्राउ परेका छन् ।

जिल्ला रुपन्देही, बसन्तपुर गाउँपालिका वडा नं. ४ स्थायी घर भई हाल जिल्ला स्याङजामा बस्ने तेलीले वडा प्रहरी कार्यालय वालिङ, स्याङजाका कार्यालय प्रमुख प्रहरी निरीक्षक आफ्नै कार्यालयमा काम गरी बसिरहेको अवस्थामा कार्यक्षमा आई गोरु व्यापार गर्न सहयोग गर्नुर्पयो भन्दै १५ हजार दिएकोमा तत्काल निज तेलीलाई नियन्त्रणमा लिईएको हो ।

नियन्त्रणमा रहेका तेलीलाई अख्तियार दुरूपयोग अनुसन्धान आयोगको टोलीले उक्त रकम सहित पक्राउ गरी निज माथि थप अनुसन्धान भइरहेको जनाएको अख्तियारले जनाएको छ ।