हामी सबैकाे संसारन्यूज

३ पुस। दाङ । एकवर्षभित्र दाङमा ४२ जना बालिका बलात्कृत भएका छन् । तीमध्ये ५०प्रतिशत आफन्त र चिनेजानेकोबाट बलात्कृत भएका छन् ।

जिल्लामा पछिल्लो समय बलात्कारका घटना बढ्दो छ । पहिलेका घटना हेर्दा आफन्तबाटै छोरीचेली बचाउन चुनौती देखिएको छ । बुवा , हजुरबुवा, काका, दाजुभाइ, छिमेकी, शिक्षक, आफन्तबाट पनि उनीहरु असुरक्षित देखिएका छन् । दाङमा एक वर्षमा ६९ वटा बलात्कारका घटना भएका छन् । जसमा ४२ घटना बालिकासँग जोडिएका छन् ।

४२ मध्ये ५ जना हाडनाता, २० जनाभन्दा बढी आफन्त तथा छिमेकीबाट बलात्कार प्रयास भएको देखिएको छ । अनौपचारीक क्षेत्र सेवा केन्द्र(इन्सेक) दाङले सार्वजनिक गरेको तथ्यांकमा यस्तो देखिएको हो । बिहीबारको अन्नपूर्ण पोस्टबाट