हामी सबैकाे संसारन्यूज

३ पुष, काठमाण्डौं । दक्षिणी पर्बतकौ पैयु र बिहादीको मुख्य सडक अब कालोपत्रे हुने भएको छ ।
चालु आर्थिक बर्षमा नै कार्यान्वयन हुने गरी संघिय सरकारले ६ करोड ३० लाख रुपैया विनियोजन गर्ने भएका कारण पैयु र बिहादीको मुख्य सडक कालोपत्रे हुने निश्चित भएको हो ।

संघिय सरकारले पूर्वाधार क्षेत्र विकास कार्यक्रम अन्तर्गत फलेवास नगरपालिको एउटा र पैयू तथा विहादी गाउँपालिका जोड्ने मुख्य सडकका लागि गरी कुल ८ करोड २८ लाख रुपैया विनियोजन गरेको छ । समपुरक कोष मार्फत प्रदेश र स्थानीय तहले निर्माण गर्न नसक्ने सडकहरुका लागि संघको तर्फबाट बजेट विनियोजन गरिएको फलेवास नगरपालिकाका प्रमुख पदमपाणी शर्माले जानकारी दिएका छन् ।

सो कार्यक्रम अन्र्र्तगत फलेवास नगरपालिकाको लमायखोला–लिमिठाना–ठानामौला–भगरा–थापाठाना सडक कालोपत्रेका लागि १ करोड ९८ लाख रुपैंया र चिसापानी–हातेमालो चोक–त्रिवेणी–वहाकी भञ्जाङ–पोखराचौर–खहरेखोला सडकका लागि ६ करोड ३० लाख रुपैया विनियोजन भएको छ । यस अघि सडक कालोपत्रेको लागि प्रदेश सरकारले चिसापानी देखि हुवास हुँदै वहाकीसम्मको काम शुरु गरीसकेको छ ।

चुनाव जितेको ३ बर्ष भित्रै साइकल चढेर दक्षिण घुम्ने संघीय सांसद पदम गीरीको प्रतिबद्धता कार्यान्वयन तर्फ गएको टिप्पणी गरीदैछ । यस सम्बन्धमा सांसद पदम गीरीले नपुग बजेटका बारेमा संसारन्युजसंग भने ‘यो बजेटले नपुग्ने त पक्का नै हो । यसका लागी थप श्रोतको खोजीमा जुटिसकेका छौ ।’