Sansar News
३ पुस, काठमाडौँ । नेपाल इन्फ्रास्ट्रक्चर बैंक लिमिटेडको सञ्चालक समितिको अध्यक्षमा नियुक्त भएका अनुज अग्रवालले शपथग्रहण गरेका छन् ।उनलाई नेपाल राष्ट्र बैंकका गभर्नर डा. चिरञ्जीवी नेपालले पद तथा गोपनीयताको शपथ गराएका हुन् ।
नेपाल राष्ट्र बैंकका तर्फबाट डेपुटी गभर्नर सिवाकोटी, कार्यकारी निर्देशक देवकुमार ढकाल, निर्देशक गोविन्द नागिलासमेतको उपस्थिति थियो । इन्फ्रास्ट्रक्चर बैंकका तर्फबाट सञ्चालक चन्द्रप्रसाद ढकाल, नायब प्रमुख कार्यकारी अधिकृत भूपेन्द्र पाण्डे र कम्पनी सचिव ईश्वरबन्धु गौतम उपस्थित थिए ।
बैंकको सञ्चालक समितिमा नेपाल सरकारबाट रामशरण पुडासैनी मनोनीत भएका छन् भने अनुज अग्रवाल, चन्द्रप्रसाद ढकाल र लालमणि जोशी बैंकको प्रथम वार्षिक साधारणसभाबाट सञ्चालकमा निर्वाचित भएको विज्ञप्तीमा जनाइएको छ ।
वि.सं.२०७६ पुस ३ बिहीवार १०:०५ मा प्रकाशित
