हामी सबैकाे संसारन्यूज

काठमाडौं । एनएमबि बैंकले आफ्नो संस्थागत सामाजिक उत्तरदायित्व (सिएसआर) अन्तर्गत तमु समुदायका ४० जना विद्यार्थीलाई शैक्षिक सहयोग प्रदान गरेको छ । बैंकले तमु धिं नेपालसँगको सहकार्यमा उक्त सहयोग उपलब्ध गराएको हो ।

तमु धिं नेपालको ४२औँ स्थापना दिवसको अवसरमा घोषणा गरिएको सहयोग अन्तर्गत गण्डकी प्रदेशका सामुदायिक विद्यालयमा अध्ययनरत विद्यार्थीलाई शैक्षिक सामग्री तथा विद्यालय पोसाक वितरण गरिएको बैंकले जनाएको छ ।

पोखरामा आयोजित विशेष कार्यक्रममा गण्डकी प्रदेश सरकारकी सामाजिक विकास, युवा तथा खेलकुद मन्त्री रेखा गुरुङ, तमु धिं नेपालकी संस्थापक अध्यक्ष कर्मा कुमारी तमु, अध्यक्ष हुमबहादुर गुरुङ तथा एनएमबी बैंक गण्डकी प्रदेश प्रमुख राजीव रञ्जितले संयुक्त रूपमा सामग्री वितरण गरेका थिए ।

कार्यक्रममा बोल्दै बैंकका गण्डकी प्रदेश प्रमुख राजीव रञ्जितले तमु धिं नेपालसँगको सहकार्यमार्फत शिक्षा, समुदाय सशक्तीकरण तथा सामाजिक विकासमा बैंकले निरन्तर योगदान दिँदैआएको बताए ।

एनएमबी बैंकले हाल देशभर १९८ शाखा, १७६ एटीएम तथा ९ एक्सटेन्सन काउन्टरमार्फत वित्तीय सेवा प्रदान गर्दै आएको जनाएको छ ।