हामी सबैकाे संसारन्यूज

काठमाडौँ । नेपाल र भारतबीच हालै सम्पन्न अन्तरदेशीय फन्ड ट्रान्सफर (ए२ए) सम्झौतासँगै एभरेष्ट बैंक लिमिटेडले नयाँ सेवाको सुरुवात गरेको छ। बैंकले आफ्नो मोबाइल बैंकिङ एप “भ्द्यी त्यगअज २४“ मार्फत दुई देशबीच ’रियल–टाइम क्रस–बोर्डर रेमिट्यान्स सेवा’ औपचारिक रूपमा सञ्चालनमा ल्याएको हो। यो नवीन डिजिटल सेवासँगै अब दुवै देशका नागरिकले अत्यन्तै छिटो, सरल र सुरक्षित रूपमा तत्काल रकम आदानप्रदान गर्न सक्नेछन्।

नयाँ व्यवस्थापन अनुरूप यस सेवामार्फत रकम स्थानान्तरणका लागि निश्चित सीमाहरू निर्धारण गरिएका छन्। जसअन्तर्गत नेपालमा कार्यरत भारतीय नागरिकहरूले दैनिक अधिकतम भारु १५ हजार र मासिक अधिकतम भारु १ लाखसम्म सहजै भारत पठाउन सक्नेछन्। त्यसैगरी भारतमा कार्यरत नेपाली तथा भारतीय नागरिकहरूले भने कुनै पनि मासिक सीमाविना नै दैनिक अधिकतम भारु २ लाखसम्म नेपालमा विप्रेषण पठाउन सक्ने व्यवस्था मिलाइएको छ।

नयाँ प्रणाली अन्तर्गत दुवै देशका ग्राहकहरूले प्राप्तकर्ताको मोबाइल नम्बर वा भर्चुअल पेमेन्ट एड्रेस (ख्एब्) को प्रयोग गरी सजिलै रकम पठाउन सक्नेछन्। साथै भारतका प्रयोगकर्ताहरूले आफ्नो युनिफाइड पेमेन्ट्स इन्टरफेस (ग्एक्ष्) आईडीमार्फत सीधै रकम प्राप्त गर्न सक्ने बैंकले जनाएको छ। यस सेवा सम्बन्धी थप विस्तृत जानकारीका लागि बैंकको आधिकारिक वेबसाइट वा नजिकैको शाखा कार्यालयमा सम्पर्क गर्न सकिनेछ।