हामी सबैकाे संसारन्यूज

काठमाडौँ । ज्योति विकास बैंकका ग्राहक तथा सर्वसाधारणले अब बैंकको देशभर रहेका सम्पूर्ण एटिएम मेसिनहरूमा ’नेपालपे’ कार्ड सहजै प्रयोग गर्न सक्ने भएका छन् ।

ज्योति विकास बैंक र नेपाल क्लियरिङ हाउस लिमिटेड बीच भएको सहकार्य सम्झौता पश्चात् यो सुविधा कार्यान्वयनमा आएको हो ।

डिजिटल भुक्तानी प्रणालीलाई थप सुदृढ र पहुँचयोग्य बनाउने उद्देश्यले गरिएको यस सम्झौता अनुसार नेपालपे कार्ड वाहकहरूले ज्योति विकास बैंकको जुनसुकै एटिएमबाट सुलभ र सुरक्षित तरिकाले नगद झिक्न तथा अन्य बैंकिङ सेवा लिन सक्नेछन् । स्वदेशी भुक्तानी कार्डको प्रयोगलाई प्रवद्र्धन गर्दै डिजिटल बैंकिङ अनुभवलाई थप सहज बनाउन यो सहकार्यले महत्त्वपूर्ण योगदान पुर्याउने विश्वास लिइएको छ ।