हामी सबैकाे संसारन्यूज

३ पु्ष, काठमाण्डौं । संसद सचिवालयकी कर्मचारीमाथि बलात्कारको आरोपमा पुर्पक्षका लागि थुनामा रहेका पूर्वसभामुख कृष्ण बहादुर महराको निवेदनमाथि उच्च अदालत पाटनले सुनुवाई गरेको छ ।

उच्च अदालत पाटनका मुख्य न्यायाधिश नहकुल सुवेदी र टेक नारायण कुँवरको इजलासले विहिबार महराले गरेको पुनरावेदनको निवेदनमाथि सुनुवाई गर्दै जिल्ला अदालत काठमाण्डौंको आदेशलाई नै सदर गरेको हो ।

संसदकी कर्मचारी रोशनी शाहीलाई बलात्कार प्रयास गरेको आरोपपछि असोज १९ गते पक्राउ परेका महरालाई काठमाण्डौं जिल्ला अदालतले कात्तिक १९ गते भएको थुनछेक बहसपछि पुर्पक्षका लागि थुनामा पठाएको हो । महरा डिल्लीबजारस्थि कारागारको थुनामा रहेका छन् ।