हामी सबैकाे संसारन्यूज

७ पुष, काठमाण्डौं । कर्णाली प्रदेश मगुका संघीय सांसद मोहन बानियाले अष्ट जले पक्रेका एजेण्डा अब संसदमा उठाउने बताएका छन् ।

अष्ट ज अभियान नेपालको धोविधारास्थित कार्यालयमा शनिबार स्वागत तथा आजीवन सदस्यता ग्रहण गर्दै सांसद बानियाले जल, जमिन, जंगल, जडिबुटी, जलवायू, जनावर, जनशक्ति र जराजुरीको सहि पहिचान, संरक्षण, संबद्र्धन, व्यवसायिक उत्पादन र न्यायोचित वितरणबाट मात्रै मुलुकको समृद्धि हुने कुरोलाई महत्वका साथ संसदमा उठाउने र उत्पादन आन्दोलन बढाउन सक्रिय हुने बताएका छन् ।

सो अवसरमा अभियानका अध्यक्ष लोककृष्ण भट्टराईले माटोलाई सेवा गर्ने र उत्पादनमार्फत् स्वाधीन अर्थतन्त्र निर्माणमा योगदान पुर्याउनेहरु एकजुट हुँदै जानपुर्ने बताएका थिए भने महासचिव निलकण्ठ तिवारीले समाजवाद र उत्पादन संस्कृतिको विषय व्यवहारिक बनाउन अभियान प्रतिबद्ध रहेको धारणा राखेका थिए ।

सो कार्यक्रममा अभियानका सचिव दीपक दाहाल, कृष्णराम मगराती, चन्दा थापा, प्रकाश नेपाल, चन्द्र शर्मा लगायतका अभियन्ताहरुको उपस्थिति रहेको थियो ।