Sansar News
पर्वत र त्रिवेणी- पैयुँ बहुमुखी क्याम्पसले स्नातोकर तह कक्षा संचालनगर्न श्रीमद्भागवत धनधान्याञ्चल ज्ञान महायज्ञ संचालन गरेको छ ।
शिक्षामा दान महादान भन्ने नारालाई आत्म सात गर्दै पर्वतको त्रिवेणी गाविसमा अवस्थित पैयुँ बहुमुखी क्याम्पसले मंसिर १९ गते बाट श्रीमद्भागवत धनधान्याञ्चल सुभारम्भ गरेको हो । आगामी मंसिर २८ गते सम्म संचालन हुने महायज्ञको समुउद्घाटन पर्वत क्षेत्र नं २ का सभासद विकास लम्सालले गरेका थिए ।
उद्घाटनको क्रममा लम्सालले क्याम्पसको विकासको लागि भन्दै २०,००,००० रुपैया सहयोग समेत गरेका छन । यस्तै क्याम्पसको भौतिक पूर्वाधार निर्माण, प्राविधिक शिक्षाको लागि त्रिवेणी ९ निवासी लोक प्रसाद अर्यालले १०,०५,५५५ रुपैया सहयोग गरेका छन । महायज्ञमा भागवत ज्ञानको कथावाचन विश्वविख्यात कथावाचक पं इश्वरकृष्ण भुर्तेलले गर्दै आएका छन ।
क्याम्पसको विकासको लागि सहयोग गर्ने सहयोगीदाताहरु बढ्ने क्रम जारी रहेको पैयुँ बहुमुखी क्याम्पसले जानकारी दिएको छ ।
वि.सं.२०७३ मंसिर २१ मंगलवार ०३:२० मा प्रकाशित
