हामी सबैकाे संसारन्यूज

८ पुष, काठमाण्डौं । उपप्रधानमन्त्री तथा कानुन, न्याय तथा संसदीय मामिला मन्त्री उपेन्द्र यादवले मन्त्रीपदबाट राजिनामा दिएका छन् ।

समाजवादी पार्टीका केन्द्रीय अध्यक्ष  समेत रहेका  मन्त्री यादवले पुष ७ गतेको मन्त्रिपरिषद् बैठकमा संविधान संशोधनका लागि आवश्यक गृहकार्य गर्न संविधान विज्ञ सुझाव समिति गठन गर्ने प्रस्तावलाई अस्वीकार गरी दुईबुँदे सहमतिबाट सरकार पछि हटेको भन्दै मन्त्री यादवले राजिनामा दिएको बताएका छन् ।

‘मैले प्रस्तुत गरेकोमा उक्त प्रस्तावलाई अस्वीकार गरी दुईबुँदे सहमतिबाट सरकार पछाडि हटेको तथा सहमतिलाई एकतर्फि रुपमा तोडेको प्रष्ट भएकोले नैतिकताको आधार सरकारमा बसिरहन औचित्य नभएको हुँदा आजकै मितिबाट लागू हुने गरी उपप्रधानमन्त्री तथा कानुन, न्याय तथा संसदीय मामिला मन्त्री पदबाट राजीनामा दिएको व्यहोरा अनुरोध छ ।’ मन्त्री यादवद्धारा जारी विज्ञप्तिमा भनिएको छ ।