हामी सबैकाे संसारन्यूज

धादिङ । धादिङको थाक्रे गाउँपालिका–७ जुङ्गेखोलास्थित पृथ्वी राजमार्गमा शनिबार चारवटा सवारी साधन (हायस, टिफर, ट्याक्सी र स्कुटर) एकआपसमा ठोक्किँदा तीन जना घाइते भएका छन्।

काठमाडौंबाट पोखरातर्फ आउँदै गरेको बा.३ ख ८८८८ नम्बरको हायस र विपरीत दिशातर्फ जाँदै गरेको बा.४ ख ३९५१ नम्बरको टिफरबीच ठक्कर भएपछि सोही दिशातर्फ गइरहेको ग.१ ज ३५११ नम्बरको ट्याक्सी र बा.प्र.०२–०१८ प १८५९ नम्बरको स्कुटर टिफरको पछाडि ठोक्किएका हुन्।

दुर्घटनामा हायसमा सवार तीन जना घाइते भएका छन्, जसमा तनहुँ आबुखैरहनी गाउँपालिका–१ का ४७ वर्षीय शिव थापा, धादिङ गजुरी गाउँपालिका–८ का ६५ वर्षीय कुलप्रसाद ढुङ्गाना र गोरखा नगरपालिका–१३ की ३६ वर्षीया सरस्वती श्रेष्ठ रहेका छन्।

उनीहरूको साइबाबा सामुदायिक अस्पताल धार्केमा सामान्य उपचारपछि थप उपचारका लागि काठमाडौंको ट्रमा सेन्टर पठाइएको छ। दुर्घटनाबारे थप विवरण तथा घटनाको कारणबारे सम्बन्धित निकायले अनुसन्धान गरिरहेको छ।