हामी सबैकाे संसारन्यूज

१० पुस, काठमाडौँ । नेपाल बसेर चीनमा साइबर तथा आर्थिक अपराधका घटना गराएको आशंकामा १ सय २२ जना चिनियाँ नागरिक पक्राउ गरेको नेपाल प्रहरीले उनीहरुलाई स्वदेश पठाउन अध्यागमन विभागसँग बाटो खोज्ने तयारी गरेको छ ।

‘चार्ली फक्सर’ नाम दिइएको सो अपरेसनका क्रममा गत सोमबार राजधानीका विभिन्न स्थानबाट १ सय १४ पुरुष र आठ महिला गरी १ सय २२ जना पक्राउ परेका थिए ।

प्रारम्भीक अनुसन्धानका क्रममा पक्राउ परेकाहरुले नेपालमा अपराध गरेको कुनै प्रमाण नभेटिएपछि प्रहरी उनीहरुमाथि कसरी कारबाही गर्ने भन्नेमा अन्योलमा पर्दै आएको छ । प्रहरीले उनीहरुलाई टुरिष्ट भिसा’ दुरुपयोग गरेर नेपाल बसेको भन्दै स्वदेश पठाउने बारे अध्यागमन विभागसँग सहकार्य गर्ने तयारी गरेको हो । बिहीबारको राजधानी दैनिकबाट