Sansar News
१० पुस, काठमाडौँ । अन्तराष्ट्रिय रुपमा नै सन् २०३० भित्र रेबिजबाट हुने मृत्युदरलाई शून्यमा झार्ने लक्ष्य लिए पनि नेपालमा रेबिजविरुद्ध लगाइने एन्टिरेबिज भ्याक्सिनकै चरम अभाब देखिएको छ ।
एन्टिरेबिज भ्याक्सिनको चरम अभावका कारण सरकारलाई यो लक्ष्यमा पुग्न चुनौती देखिएको छ । कुनै पनि व्यक्तिलाई कुकुर वा अन्य पशुले टोकेमा उनलाई तत्काल भ्याक्सिनको आवश्यकता पर्छ ।
नेपालले प्रत्येक वर्ष २ लाख डोज एन्टिरेबिज भ्याक्सिन खरिद गर्दै आएको स्वास्थ्य सेवा विभागअन्तर्गतका ईपीडीमियोलोजी तथा रोग नियन्त्रण महाशाखाका निर्देशक डा. विवेककुमार लालले बताए । तर अहिलेसम्म मागअनुसारको भ्याक्सिन सरकरले उपलब्ध गराउन नसकेको विभागले स्वीकार गर्दै आएको छ । बिहीबारको राजधानी दैनिकबाट
वि.सं.२०७६ पुस १० बिहीवार ०७:४५ मा प्रकाशित
