हामी सबैकाे संसारन्यूज

१० पुस, काठमाडौँ । खाद्य व्यवस्था तथा व्यापार कम्पनीको अञ्चल कार्यालय काठमाडौँले पाँच वर्षअघि धनुषाका किसानबाट किनेको ४८ हजार सात सय किलो बासमती चामल थापाथली गोदाममै कुहाएको छ ।

खाद्य प्रविधि तथा गुण नियन्त्रण विभागले गोदाममा रहेको चामलमा चिलेसा परेको, किरा स्पष्ट देखिएको, किराले चामल धूलो बनाएको र रङ परिवर्तन भएर खैरो भएको जनाउँदै खान अयोग्य भनेको छ ।

जिल्ला प्रशासन कार्यालयका प्रतिनिधि सम्मिलित विभागको टोलीले पुस १ मा अनुगमन गर्दा गोदाम नं २४ मा १० केजी र २५ किलोमा सिलबन्दी बोरामा ‘नेपाल खाद संस्थान ०७१ ७२’ उल्ल्ेख भएको तीन सय २३ क्विन्टल र गोदाम नं ३० मा १० र २० किलोका बोरामा एक सय ६४ क्विन्टल बासमती चामल पाइएको थियो । बिहीबारको राजधानी दैनिकबाट