हामी सबैकाे संसारन्यूज

१० पुस , काठमाडौँ । नेपाल नागरिक उड्डयन प्राधिकरण, प्रधान कार्यालयले एक सूचना प्रकाशित गरेको छ ।

नेपाल नागरिक उड्डयन प्राधिकरणको स्वीकृत दरबन्दीमा रिक्त रहेको पदमा करारमा कर्मचारी नियुक्ति गर्ने र स्थायी पदपूर्ति भएमा स्वतः हट्ने गरी प्राधिकरणले बिहीबार सूचना प्रकाशित गरेको हो ।

योग्यता पुगेका इच्छुक नेपाली नागरिकहरुले सूचना प्रकाशित भएको मितिले १५ दिनभित्र रितपूर्वकको दरखास्त फाराम पेश गर्न सूचनामा भनिएको छ ।

माग गरिएको पदको विवरण :सेवाः प्राविधिक, समूहः एभिएशन फायर सर्भिसेस, तहः चौथो, पदः सहायक
माग सङख्या : १४ जना

आवश्यक न्यूनतम शैक्षिक योग्यता : मान्यता प्राप्त शिक्षण संस्थाबाट एस.एल.सी. वा सो सरह उत्तीण र नागरिक उड्डयन सँग सम्बन्धित संस्थाबाट विमानस्थल उद्धार तथा अग्नी निवारण सम्बन्धी आधारभूत तालिम प्राप्त

परीक्षा दस्तुर: रु ४००
दरखास्त फाराम : रु १००

फाराम दस्तुर र परीक्षा दस्तुर जम्मा गर्नुपर्ने स्थान एन.एम.बी. बैंकको जुनसुकै शाखा कार्यालयबाट प्राधिकरणको खाता न ००१००१२६११५०००४३ मा जम्मा गर्नुपर्नेछ ।

विस्तृत जानकारीका लागि प्राधिकरण प्रधान कार्यालयको प्रशासन विभागमा बुझ्न सकिने सूचनामा जनाइएको छ ।