हामी सबैकाे संसारन्यूज

अमेरिकाको फ्लोरिडा राज्यको ट्यांम्पा शहरमा ७७ बर्षिय बृद्धसँग बिहे गरेकी २६ बर्षिय पत्नीले १० लाख डलर नगद लिएर भाग्ने हुँदा पक्राउ परेकी छिन् । आफ्नो पतिको खाता बाट झन्डै १० लाख डलर नगद लिने प्रयास गर्दा उनि पक्राउ परेकी हुन् ।

गत अगस्त महिनामा बिहे गरेकी नयाँ दुलहीले रकम लिएर कुलेलाम ठोक्ने हुँदा समातिएकी हुन् । उनीलाई यही महिनाको प्रारम्भमा ट्यांम्पा अन्तरराष्ट्रिय विमानस्थलबाट पक्राउ गरिएको हो ।

लिन हेलेना हेल्फोन नाम गरेकी ती महिलाले बृद्ध नागरिकसंग पैसाको लागी बिहे गरेको खुलासा भएको छ । उनले बृद्ध व्यक्तिको शोषण, योजनाबद्ध ठगी र शोषणको आरोपको सामना गर्नु परेको छ ।

उनी पहिलो पटक अदालतमा हाजिर हुँदा न्यायाधीशले उनीलाई १० लाख डलरको जमानत राख्न भनेको छ । उनका पति ट्याम्पाका ब्यापारी रिचार्ड र्याप्पापोर्ट हुन् । उनलाई अनुसन्धानकर्ताहरुले उनकी पत्नीले के गर्दै छिन् भन्ने बारेमा जानकारी दिएका थिए ।

त्यस्तो हुँदा पनि उनका पतिले उनलाई उनको मातृभूमि इजरायल पठाउन (देश निकाला )भने चाहेनन् । जव उनकी पत्नीले त्यत्रो पैसा निकाल्न खोज्दा कर्मचारीले दिन अस्विकार गरेका थिए । तर दुई वटा धनादेश(चेक) बाट करिव ६ लाख ६६ हजार डलर ओर्लांन्ड़ो व्यापारबाट नगद गरिएको थियो ।

पछि उनले धोखाधडी र ठगीको शिकार भएको महसुस गरे र पक्राउ गर्न आदेश दिएका थिए । ७७ बर्षिय वृद्धका छोरीले बाबुले बिहे गरेको बारेमा कुनै जानकारी नभएको बताइन् ।

छोरीले आफ्नो बुवाको उमेरको कारण हल्फोन धुर्त  र ठग भएको ठहर गरिन् । तर हालफनको वकिलले दुवैको आधिकारिक बिहे भएको जानकारी दिए ।