हामी सबैकाे संसारन्यूज

१६ पुष, काठमाण्डौं । ‘मन्त्री भए भन्दैमा आफ्नौ हैसियत बिर्सने ?, जे मन लाग्यो त्यहि भन्ने ?’

यसो भन्दै हाकिम जंगिदा शान्तिपुर्वक सम्झाउने प्रयास भयो, मन्त्रीसँग बोल्दा हैसियत त तपाई बिर्सदै हुनुहुन्छ !’ तर, जवाफ आयो, ‘तिम्रो हैसियतके हो भन्ने मलाई राम्रोसँग थाहा छ ! के गर्नुपर्छ मैले पनि जान्याछु ।’

बर्हिगमित मन्त्रीको ‘खास’ भनी चिनिएका हाकिम नयाँ मन्त्रीसँग मुठ्ठी बटारेर गतहप्ता मुखमुखै लागेपछि हंगामा मच्चिएको छ ।

रघुवीर महासेठका ठाउँमा भौतिक पूर्वाधार तथा यातायात सम्हाल्न आएका वसन्त नेम्वाङसँग सहसचिव राजेश्वर ज्ञवाली यसरी कराएको बुधबारको जनआस्था साप्ताहिकमा समाचार छ ।

राजेश्वर रघुवीरका विश्वास पात्र उनलाई विस्थापित गरेर गएका नेम्वाङले रघुवीरको डिजाइनमा असहयोग गरेको आरोप लगाएका थिए । वसन्तले प्रशासन महाशाखा प्रमुख समेत रहेका राजेश्वरसँग असहयोग गर्नुको कारण सोधेपछि हो, मुखमुखै लागेको ।