Sansar News
१८ पुष, काठमाण्डौं । पोर्चुगलमा रहेका नेपालीहरुले पोर्चुगलको अस्थायी बसोबास अनुमति पत्र टि आर प्राप्त गरेपछि विभिन्न अधिकार तथा व्यक्तिले गर्नुपर्ने कर्तव्य बोधका बारेमा पोर्चुगलमै रहेका नविन तिम्सिनाले यस्तो जानकारी दिएका छन् ।
तिम्सिनाका अनुसार त्यहाँको टिआर TR प्राप्त गरेका नेपालीहरुका लागि निम्न सुविधाहरु रहेका छन् ।
यस्तो छ कार्ड लिएपछि पाइने सुविधाका तथा बोध गर्नुपर्ने कर्तव्यका बारेमा नविनले दिएको जानकारी
-अस्थाइ बसोबास अनुमती पत्र यानेकी कार्ड पाउनु भनेको तपाईंले सेवा सुबिधा पनि पाउनु हो भनेर मैले पहिला पनि लेखेको थिए । के कस्ता अधिकारहरु प्राप्त गर्न सकिन्छ भन्ने प्रश्नको सामान्य उत्तर सामान्य भाषामा मैले उल्लेख गरेको छु ।
-परिवारिक मिलन : यस्को मतलब तपाईंले आफ्नो श्रीमान वा श्रीमती र तपाईंका १८ बर्ष मुनिका बालबच्चा ल्याउन पाउनु हुन्छ र तपाईंसँग आश्रित बाबा आमा वा भाई बहिनी पनि उचित कागजी प्रकृया पुरा गर्न सक्नु भयो भने ल्याउन सक्नु हुन्छ ।
-पढाई तथा अध्ययन सुबिधा ।
-ब्यापार तथा ब्यबसाय लगायत काम गर्न पाउने अधिकार ।
-स्वास्थ्य सेवा प्राप्त गर्ने अधिकार ।
-कानुनी अधिकारमा पहुँच ।
-सामाजिक सुरक्षा, संघ संघस्थाहरुमा सहभागीता तथा यहाँको सरकारले प्रदान गर्ने हरेक सेवा सुबिधामा समान अधिकार प्राप्त गर्न सक्नु हुनेछ ।
-यि उल्लेखित केही अधिकारहरु भए जुन तपाईंले अस्थाइ अनुमती बसोबास पत्रले नै प्राप्त गर्न सक्नु हुन्छ ।
अब तपाईंले बोध गर्नुपर्ने कर्तब्यहरुको पनि सामान्य जानकारी
-सरकारले जारी गरेका निति नियमहरुको पालना गर्नुपर्ने ।
-आफ्नो ब्यक्तिगत विवरणमा भएका परिवर्तनहरु ६० दिन भित्रमा सेफसँग अपडेट गराउने ।-छ महिना भन्दा बढी लगातर पोर्चुगल बाहिर बस्नु परेमा सेफलाई जानकारी गराउनु पर्ने र अनुमती लिनुपर्ने ।
-अस्थाइ बसोबास अनुमती पत्र नविकरण (रिन्यु) गर्द सकेसम्मा कम्तीमा पनि एक महिना पहिला नविकरणको लागि जाने गरेर समय तालिका मिलाउने ।
-सार्वजनिक सूचनाहरु, सुरक्षा र स्वास्थ्य नियमको उचित सम्मान गर्नुपर्ने ।
-सेन्जेन सूचना प्रबिधी SIS मा खराब रेकर्ड हुन नहुने ।
-सुरक्षा र स्वास्थ्य नियमको उचित सम्मान गर्नुपर्ने ।
वि.सं.२०७६ पुस १८ शुक्रवार ११:४५ मा प्रकाशित
