हामी सबैकाे संसारन्यूज

२ माघ ,काठमाडौँ । आज २०७६ साल माघ २ गते बिहीबार । काठमाडौँबाट प्रकाशित विभिन्न पत्रप्रत्रिकाहरुले भिन्न भिन्न विषयका समाचारलाई प्राथमिकताका साथ छापेका छन् ।

कान्तिपुर दैनिकमा ‘८६ करोडको मुद्दामा अड्कियो प्रदेशसभा’ शीर्षकको समाचारले मुख्य पृष्ठमा प्राथमिकता पाइको छ । अजित तिवारीले लेखेको समाचार हो यो । समाचारमा गत आर्थिक वर्षको ८६ करोड रुपैयाँ भुक्तानीको विषयलाई लिएर प्रदेश २ को प्रदेशसभामा गत भदौदेखि जारी गतिरोध अझै हटेको छैन । उपभोक्ता समितिलाई‘उचालेर’ विपक्षी र सत्तासीन दलका सांसदहरु आफैँ पनि भुक्तानी माग्दै प्रदर्शनमा उत्रिएपछि पछिल्लो समय प्रदेशसभा बैठक नै अनिश्चितकालका लागि स्थगन गरिएको विषय रहेको छ ।त्यस्तै खर्च झन् कमजोर– १ खर्ब ७४ अर्ब खातामै शीर्षकको समाचार पनि छापिएको छ । कृष्ण आचार्यको समाचार हो यो ।

अन्नपुर्ण पोस्ट दैनिकमा रेशम छिट्टै छुट्छन्–दाहाल शीर्षकले प्राथमिकता पाएको छ । समाचारमा सत्तारुढ दल नेकपाका अध्यक्ष पुष्पकमल दाहालले टीकापुर घटनामा जन्मकैदको फैसला सुनाइएका निलम्बित सांसद् रेशम चौधरी छिट्टै छुट्ने बताएका छन् । पुष्पराज आचार्यको ‘अर्थतन्त किन ओरालोतिर ’ शीर्षकको समाचारले पनि प्राथमिकता पाएको छ । त्यस्तै दलितलाई निःशुल्क शिक्षा शीर्षकको समाचारले पनि प्राथमिकता पाएको छ । सूर्यप्रसाद पाण्डेको समाचार हो ।

राजधानी दैनिकमा ‘ पूर्वमन्त्रीहरुद्वारा कानुन उल्लंघन ’शीर्षकको समाचारले प्राथमिकता पाएको छ । भने ‘अझै टरेको र्छैन भूकम्पीय जोखिम’ भनेर सविन शर्माको समाचारले पनि प्राथमिकता पाएको छ । त्यस्तै भारतीय नेटवर्किङ कम्पनीको ठगी धन्दा– रोजगारीका नाममा ठगिँदै नेपाली युवा शीर्षकको समाचार पनि प्राथमिकतासाथ छापिएको छ । एमके माझीले लेखेको समाचार हो यो ।

गोरखापत्र दैनिकमा‘ पूर्वमा पनि पेट्रोलियम पाइपलाइन’ शीर्षकको समाचरले प्राथमिकता पाएको छ । भउचप्रसाद यादवको समाचार हो यो । त्यस्तै एकैदिन ४२ अर्ब राजश्व शीर्षकको समाचारले पनि पथमिकता पाएको छ । शान्ति लामाको राष्ट्रपतिसँग रमाए बालबालिकाशीर्षकको समाचारले पनि प्राथमिकता पाएको छ ।