हामी सबैकाे संसारन्यूज

२२ माघ, काठमाडौँ । कुखुराको मासुको भाउ घटेको निहुँमा ह्याचरी व्यवसायीले चल्ला र अन्डा निर्मम रुपमा नष्ट गरेका छन् । मारिएका ३० लाख चल्लाको मूल्य मात्र करिब १५ करोड हुन आउँछ ।

त्यस्तै चल्ला कोरल्न राखिएका ४५ करोड मूल्यबराबरका करिब ३ करोड ५० लाख अन्डासमेत नष्ट गरेका छन् । उत्पादन लागतभन्दा सूतोमा चल्ला बेच्न बाध्य हुनुपरेको भन्दै ह्याचरी उद्योगले २९ मसिंरदेखि ८ पुससम्म हड्ताल गरेका थिए ।

१० दिन उनीहरुले गरेको आन्दोलनका कारण अहिले कुखुराको मासुको मूल्य ४ सय २० रुपैयाँ प्रतिकिलो पुगेको छ । गएको डेढ महिनामा कुखुराको मासुको मूल्य २ सय ८० रुपैयाँ थियो । त्यसैगरी, अन्डाको भाउ प्रतिगोटा १५ रुपैयाँमा किनबेच भयो । यो मूल्य अहिलेसम्मकै उच्च हो । बुधबारको नयाँ पत्रिका दैनिकबाट