Sansar News
२४ माघ, काठमाडौं । रामबहादुर बम्जनलाई पक्राउ गर्न गएको प्रहरीले उनका सहयोगी ‘तोपचेन’ नामले चिनिने ज्ञानकुमार भोमजनलाई नियन्त्रणमा लिएको छ । अदालतबाट पक्राउ पूर्जी जारी भएपछि बमजन भने फरार भएका छन् ।
सिन्धुली जिल्ला अदालतबाट बिहीवारै बमजन पक्राउको अनुमति लिइएको थियो । जिल्ला प्रहरी कार्यालय सर्लाहीको अनुरोधका आधारमा शुक्रबार बिहान जिल्ला प्रहरी कार्यालय सिन्धुलीको टोलीले सिन्धुलीस्थित बमजनको आश्रममा सर्च अपरेशन चलाएको थियो ।
खोजीका क्रममा बमजन फेला नपरेपछि आश्रममा ज्ञानकुमार भोमजनलाई बोलाएर ल्याइएको सिन्धुली प्रहरीले जानकारी दिएको छ । बम्जनमाथि व्यक्ति बेपत्ता पारेको, महिला अनुयायीमाथि जबरजस्ती करणी गरेकोलगायत आरोप छन् ।
वि.सं.२०७६ माघ २४ शुक्रवार १३:४७ मा प्रकाशित
