Sansar News
काठमाडौँ । नेपाल बीमा प्राधिकरणले जीवन बीमा अभिकर्ताको इजाजतपत्रका लागि लिइने परीक्षाको तालिका सार्वजनिक गरेको छ ।
प्राधिकरणको मधेश प्रदेश कार्यालयले भोलि (वैशाख २१ गते) र गण्डकी प्रदेश कार्यालयले पर्सि (वैशाख २२ गते) परीक्षा सञ्चालन गर्ने भएका हुन् ।
प्राधिकरणका अनुसार दुवै प्रदेशका परीक्षाहरू दिउँसो २ः०० बजेदेखि ३ः३० बजेसम्म अनलाइन माध्यमबाट सञ्चालन हुनेछन् । बीमा अभिकर्ताका रूपमा काम गर्न इजाजतपत्र अनिवार्य हुने र सोका लागि यो परीक्षा उत्तीर्ण गर्नुपर्ने व्यवस्था रहेको छ ।
वि.सं.२०८३ वैशाख २० आइतवार १५:२८ मा प्रकाशित
