हामी सबैकाे संसारन्यूज

२६ माघ, काठमाण्डौं । भारी हिमपातले चिसो अत्यधिक बढेपछि सिमकोट गाउापलिका ८ स्याडामा बिरामी पर्नेको संख्या ३६५ जना पुगेको छ । मौसमी रुघाखोकीले एकै गाउँमा यतिधेरै एकैपटक बिरामी परे पनि स्थानीय स्वास्थ्य चौकिमा औषधि छैन ।

बिरामी मध्ये पाँचजनाको अवस्था गम्भीर रहेको स्याडा चौकीका सिनियर अहेव अर्जुन कार्र्कीले बताए । ‘जटिल अवस्थाका बिरामीलाई जिल्ला अस्पताल पठाइएको छ । न औषधि छ, न प्रयाप्त स्वास्थ्यकर्मी,’ कार्कीले भने, ‘ गाउँपलिकाले दिएको औषधि दुई महिनाअघि सकिएपछि बिरामीलाई नै किन्न जाउ भन्नु परेको छ ।’ तीनजना स्वास्थ्यकर्मीको भरमा स्वास्थ्य चौकी सञ्चालन भइरहेको पनि उनले बताएको शनिबारको कान्तिपुर दैनिकमा समाचार छ ।
हुम्लामा यसपटक दुई दशकयताकै भारी हिमपात भएको छ । पहिले परेको हिँउ नपग्लिँदै फेरि हिमपात हुन थालेकोले जिल्लाभरी अत्यधिक चिसो बढेको हो ।