हामी सबैकाे संसारन्यूज

२ फागुन, काठमाडौं । नेपाल एयरलाइन्सका पाइलट विजय लामाले चीन जान अस्वीकार गरेका छन् । कोरोना भाइरसको उद्गमस्थल चीनको वुहानलगायतका स्थानमा रहेका नेपाली नागरिकको उद्धार उडानमा जान लामाले अस्वीकार गरेका हुन् ।

लामाले चीन उडानमा अस्वीकार गरेपछि उनको सट्टा पाकिस्तानी पाइलट नै जाने भएका छन् । यसअघि पाकिस्तानी आइपी पाइलट यावर कमलको नेतृत्व पाइलट लामा पनि रहने निर्णय नेपाल एयरलाइन्सले गरेको थियो ।

पाकिस्तानी पाइलटको कमान्डमा नेपाल वायुसेवा निगमको जहाज शनिवार चीन जाँदैछ। टोलीमा क्रु मेम्बर र चिकित्सकसहित १७ जनाको टोली हुनेछन् । र जहाजको चालक दलका कोपाइलट भने नेपाली रहनेछन् ।

शनिबार राती विमानस्थल झण्डै १२ घण्टा अवरुद्ध हुनेछ । यस्तै एक सय ८० जना नेपालीलाई चीनबाट ल्याउने विमानलाई कम्तीमा ४८ घण्टा विश्राम दिइने छ । रोगका जीवाणु हुन सक्ने भएकाले तिनलाई निस्तेज पार्न त्यो विमान कम्तीमा पनि ४८ घण्टा व्यवसायिक उडानमा जाने छैन ।