हामी सबैकाे संसारन्यूज

८ फागुन, काठमाडौं । सञ्चार तथा सूचना प्रविधि मन्त्री गोकुल बाँस्कोटाले विवादास्पद अडियो सार्वजनिक भएपछि पटक पटक प्रधानमन्त्री केपी ओलीलाई फोन गरेका छन् । फोनमा उनले आफूलाई फसाउन ग्राण्ड डिजाईन भएको भन्दै ओलीलाई आश्वस्थ पार्ने प्रयास गरिरहेका छन् ।

नेकपाका अर्का अध्यक्ष पुष्पकमल दाहाल प्रचण्डले ओलीलाई बाँस्कोटाको राजीनामा माग्न सुझाव दिएपछि ओली आफै दोधारमा परेका छन् । छलफलका लागि ओलीले बाँस्कोटालाई बालुवाटार नै बोलाएका छन् । चौतर्फी दबाब आईरहेको र प्रचण्डले पनि राजीनामा माग्न सुझाव दिएकोले दबाब थेग्न नसक्ने अवस्थामा आफू गुगेको ओलीले बाँस्कोटालाई बताएको बालुवाटार स्रोतले बताएको छ ।

बाँस्कोटाले भने आजको दिन त हेरौं न बिरोध गर्नेहरु बिस्तारै सेलाउछन् भन्दै आफूलाई बचाउन ओलीसँग याचना गरिरहेका छन् । यसअघि आरोप लाग्नासाथ पूर्वसभामुख कृष्णबहादुर महरालाई राजीनामा दिन दबाब दिएका ओली बाँस्कोटामाथी नै भ्रष्टाचारको आरोप लागेपछि राजीनामा माग्नैपर्ने नैतिक दबाबमा रहेका छन् । प्रचण्डले पनि राजीनामा माग्न दबाब दिएकोले प्रधानमन्त्री बाँस्कोटालाई बचाउन लाग्छन् या राजीनामा नै माग्छन् त्यो केहि समयपछि सार्वजनिक हुने नै छ ।