हामी सबैकाे संसारन्यूज

१३ फागुन, काठमाडौं । सांसद सरिता गिरीले पूर्व सञ्चारमन्त्री बाँस्कोटाले राजीनामा दिएपछि अख्तियारले सञ्चार मन्त्रालयमा छापा मारेर बाँस्कोटालाई बचाउन लागिपरेको आरोप लगाएकी छिन् । उनले भनिन्-‘सञ्चार मन्त्रालयमा अख्तियारले छापा मारेको खवरहरु सार्वजनिक भएका थिए, बाँस्कोटामाथि छानबिन गर्न हो की बचाउन छापा मारेको ?’

मंगलबारको प्रतिनिधिसभा बैठकमा समय मागेर बोल्दै सांसद गिरीले नेपाल कम्युनिष्ट पार्टी (नेकपा) कमिसनबिना अगाडी बढ्न नसक्ने बताइन् । कमिसन बिना नेकपा एक कदम पनि चल्न नसक्ने दाबी गरिन् । ‘नेकपाको समाजवाद कमिसनवाद बिना टिक्न सक्छ ?’ भन्ने प्रश्न गर्दै सांसद गिरीले पार्टीको राजनीतिक दस्तावेजमै कमिसनवादलाई समेट्न सुझाव दिइन् ।

सांसद गिरीले नेकपाले भ्रष्टाचारको परिभाषा नै परिवर्तनको तयारी गरिरहेको आरोप समेत लगाएका छन् । नेकपाले गर्ने भ्रष्टाचार सर्वहारा, दलित, शोषित र पीडितको नाममा हुने अरुले गरेको भ्रष्टाचार भ्रष्टाचार हुने भन्दै उनले प्रश्न समेत गरिन् ।