१५ फागुन, जापान । नेपाली दूतावास जापानले जापानवासी नेपालीलाई सावधान रहन भन्दै सार्वजनिक सूचना जारी गरेको छ ।
चीन हुँदै संसारका ४० भन्दा बढी देशमा फैलिइरहेको कोरोना भाइरसको संक्रमण जापानमा समेत देखिएकोले संक्रमणबाट टाढा रहन र आफै पनि सावधानी अपनाउन दूतावासले अनुरोध गरेको हो ।
दूतावासले यसको संक्रमणबाट बच्नका लागि संक्रमितको सम्पर्कमा नआउने, भाइरस प्रभावित क्षेत्र÷देशको यात्रा नगर्ने र ती क्षेत्र÷ देशको यात्रा गरेका व्यक्तिसँग सम्पर्क गर्दा सावधानी अपनाउन समेत अनुरोध गरेको छ ।
त्यस्तै यथाशक्य सार्वजनिक यातायातको प्रयोग नगर्ने ।
भेटघाट, भेला, जमघट, बैठक जस्ता कार्यक्रम नगर्ने ।
घरबाहिर निस्कदा माक्सको प्रयोग गर्ने र सावुन पानीले हात धुने, स्यानीटाइजरको प्रयोग गर्ने ।
जापान सरकारले जारी गर्ने निर्देशन तथा सूचनाहरुको जानकारी लिई रहने र सोहि बमोजिम साबधानी र सर्तकताका उपाय अपनाउने ।
यदि रुघाखोकी आदि जस्ता लक्षण देखिएमा यथाशक्य विद्यालय तथा अफिस नजाने ।
चार दिनसम्म लगातार ३७.५ डिग्री सेल्सिय भन्दा माथि शरीरको तापक्रम रहेमा तोकिएको मेडिकल सेन्टरमा सम्पर्क गर्न पनि दूतावासले अनुरोध गरेको छ ।
वि.सं.२०७६ फागुन १५ बिहीवार ०९:०४ मा प्रकाशित