Sansar News
काठमाडौं । एनएमबी बैंकले आफ्नो लोकप्रिय ‘घर कर्जा’मा परिष्कृत विविधताका साथ नयाँ योजना ल्याएको छ । बैंकले घर बनाउन अथवा नयाँ घर किन्नका लागि ५ वर्षसम्म स्थीर व्याजदर सहित उक्त योजना प्रस्तुत गरेको हो ।
बैंकले यस योजनाको निश्चित व्याजदर ११ प्रतिशत तोकेको छ । जसको कर्जा अवधि अधिकतम २५ वर्ष रहेको कम्पनीले जनाएको छ ।
ग्राहकको आवश्यकतालाई मध्यनजर गर्दैै ब्याजदरमा निरन्तर भएको उत्तारचढावले उत्पन्न भएको मानसिक र वित्तीय दवाब चिर्न वित्तीय क्षेत्रमै अद्वितीय र पृथक प्रकारको कर्जा योजना ल्याइएको बैंकले जनाएको छ । घर खोज्नु अघि नै ऋण स्वीकृत गरिने पनि बैंकले जनाएको छ ।
यसअघि बैंकले ३५ वर्षे लामो समय अवधि भएको आर्कषक घर कर्जा योजना ल्याएको थियो, जसको ब्याजदर १०.५ प्रतिशत तोकिएको थियो ।
वि.सं.२०७६ फागुन २१ बुधवार १३:४४ मा प्रकाशित
