हामी सबैकाे संसारन्यूज

२३ फागुन, काठमाडौं । कोरोना भाइरस (कोभिड–१९)को संक्रमण छिमेकी देश भुटानमा पनि देखा परेको छ। भुटान भ्रमणमा रहेका एक अमेरिकी नागरिकमा भाइरस संक्रमण पुष्टि भएको हो ।

भारत हुँदै भुटान पुगेका ती ७६ वर्षीय अमेरिकी नागरिकमा शुक्रबार संक्रमण पुष्टि भएको हो । कोरोना संक्रमण पुष्टि भएलगत्तै भुटानले आजैबाट सीमा नाका बन्द गरेको छ। प्रधानमन्त्री कार्यालयले फेसबुकपेज मार्फत भुटानले कम्तिमा दुई हप्ताका लागि पर्यटकलाई स्वदेश प्रवेशमा रोक लगाउने निर्णय गरेको बताएको छ।

यसैगरी थिम्पु लगायत आसपासका विद्यालयहरू पनि शुक्रबारदेखि दुई साताका लागि बन्द गरिने बताइएको छ । कोरोना भाइरस संक्रमण हालसम्म विश्वभर ३,३८३ जनाले ज्यान गुमाइसकेका छन् । ९८,३८७ जनामा संक्रमण पुष्टि भएको छ ।