Sansar News
२७ फागुन , काठमाडौं । विभिन्न स्थानमा भएको सवारी दुर्घटनामा परी ३ जनाको ज्यान गएको छ ।
सुनसरी, भोक्राहा नरसिंह गाउँपालिका- २ स्थित सडकमा को.१२ प ४२० नम्बरको मोटरसाइकलको ठक्करबाट सोही ठाउँ बस्ने ६० बर्षीय झबर मेहताको सोमाबर बिहान मृत्यु भएको छ । ठक्करबाट गम्भीर घाइते भएका उनको जिल्ला अस्पताल ईनरुवामा उपचारको क्रममा मृत्यु भएको छ । मोटरसाइकल चालकलाई प्रहरीले नियन्त्रणमा लिएको छ ।
यसैगरी सुनसरी, ईनरूवा नगरपालिका –६ घोपाली टोलस्थित सडकमा हाल नम्बर नखुलेको गाडीको ठक्करबाट हाल नाम, थर, वतन नखुलेका करिब ३५ वर्षीय पुरूषको सोमाबर मृत्यु भएको छ । ठक्करबाट गम्भीर घाइते भएका उनको जिल्ला अस्पतालमा उपचारको क्रममा मृत्यु भएको छ ।
दैलेख, चामुण्डा बिन्द्रासैनी नगरपालिका –८ खारास्थित सडकमा लु।४ त ४३२४ नम्बरको ट्याक्टर सोमबार बेलुका दुर्घटना हुँदा सोही ठाउँ बस्ने १२ वर्षीय ध्रुब बुढाको मृत्यु भएको छ ।
दुर्घटनामा गम्भीर घाइते भएका उनको स्थानीय मेडिकलमा उपचारको क्रममा मृत्यु भएको हो । ध्रुव र सोही ठाउँ बस्ने ११ वर्षीय महेश बुढाले रोकिराखेको उक्त ट्याक्टरको गेयर चलाउँदा ट्याक्टर अचानक अगाडि बढ्न गई दुर्घटना भएको हो ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको बताइएको छ ।
वि.सं.२०७६ फागुन २७ मंगलवार १३:२८ मा प्रकाशित
