हामी सबैकाे संसारन्यूज

२७ फागुन, काठमाण्डौं । बैदेशिक रोजगार विभागले कतारका लागि श्रम स्वीकृति दिन बन्द गरेको छ ।

विभागले आजैदेखि लागूहुने गरी कतारमा रोजगारीका लागि जाने नेपाली कामदारको श्रम स्वीकृति बन्द भएको जानकारी दिएको छ ।

विभागका महानिर्देशक कुमा प्रसाद दाहालले कतारस्थित नोपली दूतावासले नै आधिकारीक रुपमा पत्र पठाएपछि श्रम स्वीकृति रोकिएको बताएका छन् ।

महानिर्देशक दाहालका अनुसार यो महिनामा मात्रै कतारमा कार्यरत ३५ सयदेखि ४ हजार नेपाली कामदारले श्रम स्वीकृति लिएको विभागको तथ्यांकमा उल्लेख छ ।

‘अर्को सूचना जारी नभएसम्मका लागि श्रम स्वीकृति रोकेका छौं । दूतावासले आधिकारीक पत्र नै पठाएको छ ।’ संसारन्युजसँग दाहालले भने ।

स्मरण रहोस्, कोरोना भाइरस संक्रमणलाई रोक्न सोमबार मात्रै कतारले नेपाल लगायतका १४ देशका नागरिकलाइ केही समयका लागि आफ्नो देशमा जान रोक लगाएको छ ।

कतारमा सोमबारसम्म कोरोना भाइरसका १५ संक्रमित भेटिएका छन् । भाइरस संक्रमण नियन्त्रण गर्नका लागि कतारले सबैप्रकारका तयारी गरेको समेत त्यहाँको स्वास्थ्य मन्त्रालयले जनाएको छ ।

त्यस्तै नेपाली दूतावास कतारले कतारका कार्यरत नेपालीलाई सर्तक गारउँदै पनि भिडभाडमा नजान, भौतिक सम्पर्क नगर्न तथा टेलिफोनमार्फत् मात्र कुराकानी गर्न भन्दै सूचना जारी गरेको थियो ।

कोरोना भाइरसको त्रास र कतारको यस्तो निर्णयले कतारमा कार्यरत नेपालीहरु मारमा पर्ने देखिन्छ नै त्यसमा पनि श्रम स्वीकृति लिएकाहरु झनै समस्यामा परेका छन् ।

भिडभाडमा नजान र भौतिक सम्पर्क नराख्न नेपाली दूतावास कतारको अनुरोध