हामी सबैकाे संसारन्यूज

२९ फागुन, काठमाडौं । कोरोनाको संक्रमण नेपालमा भित्रिएका त्यसलाई नियन्त्रणमा लिन नसकिने भन्दै पूर्व सावधानी अपनाउन माग भएको छ । विहीवार बसेको प्रतिनिधिसभा बैठकमा नेपाली कांग्र्रेसका सांसद भीमसेनदास प्रधानले सरकार कोरोनाबारे गम्भीर नभएको आरोप लगाए ।

सांसद प्रधानले संसद, स्कुल तथा भीडभाड हुने सबै ठाउँ बन्द गर्नुपर्ने बताए प्रतिनिधिसभा बैठकमा बोल्दै सांसद प्रधानले यस्तो बताएका हुन्। ‘सरकारले अहिलेसम्म संसदलाई निरन्तर चलाई राख्नुको कुनै तुक छैन। स्कुल, बस, तुरुन्त बन्द गर्नुपर्‍यो,’ उनले भने, ‘सरकारले चाँडै एक्सनमा जानुपर्छ। जहाँ भीड हुन्छ त्यो रोक्न सकिएन भने यसबाट हुने भय नेपालले रोक्न सक्दैन।’

उनले विश्व स्वास्थ्य संगठनले पनि जोखिममा रहेको बताइरहँदा नेपाल सरकारले कुनै तयारी नगरेको पनि आरोप लगाए।