हामी सबैकाे संसारन्यूज

२९ फागुन, काठमाडौं । संस्कृति, पर्यटन तथा नागरिक उडययनमन्त्री योगेश भट्टराईले आफूविरुद्ध षडयन्त्र भैरहेको बताएका छन् । योगेश पत्नी विन्दा घिमिरेले रकम लेनदेनको कुरा गरेको भनि समाचार सार्वजनिक भएपछि उनले त्यसलाई खुरापातीहरुले सृजना गरेको भ्रमको संज्ञा दिएका छन् । हालै सामाजिक सञ्जलहरुमा विन्दाले नेपाल नर्सिङ काउन्सिलको लाइसेन्स परीक्षामा उत्तीर्ण गराइदिने भन्दै ३ लाख रुपैया घुस मागेको म्यासेज सार्वजनिक भएको थियो ।

काउन्सिलकी एक सदस्यले विद्यार्थीसँग घुस मागेको फेसबुक म्यासेन्जरको च्याटमा घिमिरेको नाम जोडिएको छ। काउन्सिलको सदस्य जिता बरालले एक विद्यार्थीसँग लाइसेन्स परीक्षामा उतीर्ण गराउन घुस मागेकी छन्। च्याटमा जिताले नै विन्दासँगको सम्बन्ध राम्रो भएको बताएकी छन्। अहिले उक्त च्याट समाजिक सञ्जालमा भाइरल भइरहेको छ।

सामाजिक सञ्जालमा एक स्टाटस लेख्दै उनले आफूहरुले कुनै गल्ती नगरेको दाबी गरेका छन् । सम्बन्धित निकायले आफ्नो धारण सार्वजनिक गर्ने भन्दै उनले भ्रममा नपर्न सुभेच्छुकलाई आग्रह पनि गरेका छन् ।

उनले लेखेका छन्-‘कुनै गल्ती गरिएको छैन र गरिने पनि छैन । सम्बन्धित निकायले आफ्नो धारणा सार्वजनिक गर्नेछ । षड्यन्त्र र खुराफातप्रति हामी सचेत छौ । कोही पनि भ्रममा नपर्नु होला, चिन्ता नलिनुहोला ।’