हामी सबैकाे संसारन्यूज

२९ फागुन, कतार । नेपाली राजदूतावास कतारले आफ्ना नियमित काउन्सीलर सेवाहरु बन्द गरेको बताएको छ ।

पछिल्लो समय कतारमा पनि कोरोनाको संक्रमण फैलिन थालेपछि त्यहाँका शैक्षिक संस्थाहरु, रेष्टुरेण्ट, क्याफे, हुक्का, सिसा लगायतका सेवाहरु अस्थायी रुपमा बन्द गरिसकिएको अवस्थामा यस संवेदनशील अवस्थालाई मध्यनजर गर्दै कोरोना भाइरस फैलने सम्भावनालाई न्यून गर्नका लागि नियमित सेवा बन्द गरिएको जनाएको छ ।

त्यस्तै दूतावास भने नियमित रुपमा खुला रहने जानकारी दिँदै दूतावासले अत्यावस्यक सेवाहरु (जस्तै राहदानीको म्याद सकिन लागेका र पाना सकिएका, हराएको सट्टा नयाँ राहदानी वा ट्राभल डकुमेन्ट, म्याद सकिन लागेका मागपत्र प्रमाणीकरण, मृतकको शब पठाउने लगायत) राजदूतावासका सम्बन्धीत अधिकारीको निम्न फोन, इमेलबाट सयम थप गरी सेवा लिन सकिने पनि दूतावासले जनाएको छ ।

कतारमा हालसम्म कोरोना संक्रमितको संख्या मार्च १० सम्म २६२ जनामा पोजेटिभ देखिएको कतार सरकारको आधिकारीक निकायले पुष्टि गरेको छ ।

कतारले यसअघि नै नेपाल लगायतका १४ देशका नागरिकलाई अस्थायी रुपमा कतार प्रवेशमा रोक लगाइसकेको छ ।