हामी सबैकाे संसारन्यूज

३ चैत्र, काठमाडौँ । दक्षिण कोरियाबाट फर्किएका एक नेपालीको कोरोनाका कारण ज्यान गएको भन्ने समाचारप्रति सुदुरपश्च्मि समाज दक्षिण कोरियाले खेद व्यक्त गरेको छ ।

केही अनलाइनहरुमा कोरियाबाट फर्किएका नविन कार्कीको कोरोनाका कारण मृत्यु भएको भन्ने समाचार प्रकाशित गरेको समाचार झुठो भएको बताइएको हो ।

समाचारको खण्डन गर्दै समाजले कार्की कोरियाबाट नोभेम्बर २०१७ मै नेपाल फर्किएको उल्लेख गरेको छ । कार्कीको मृत्य कोरोनाका कारण नभै अन्य कुनै कारणले भएको सूचनामा जानकारी गराइएको छ ।

समाजद्वारा सम्प्रेषित सूचनामा झुठो समाचारबाट त्रसित नहुन र कोरोनाबाट सचेत रहन कोरियामा रहेका सम्पूर्ण नेपालीमा आग्रह गरिएको छ ।

कैलाली जिल्ला लम्की चुहा नगरपालिका वडा न ६ का नवीन कार्कीको मेडिकल कलेजमा उपचारका क्रममा शुक्रबार ज्यान गएको थियो ।
कार्की कोरियामा कार्यरत रहँदा सुदुर पश्चिम समाज दक्षिण कोरियाका पुर्बअध्यक्ष रहेका थिए ।

कार्कीको निधनबाट आफू निकै दुखी भएको नेपाली सम्पर्क समिति(एनसीसी) दक्षिण कोरियाकी अध्यक्ष अन्जु केसी बताउँछिन् । उनका अनुसार कार्की कोरियामा हुँदा हरेक संघसंस्थामा आवश्यक अनुसार सबैसंग हातेमालो गर्दै सबै संग मिलनसार र खुलेर बोल्ने सहयोगी मनका व्यक्ति हुन् ।