हामी सबैकाे संसारन्यूज

७ चैत । प्यूठानमा एसइई दिन आएकी एक किशोरीको बसबाट खसेर मृत्यु भएको छ । ४ गते बिहान करिब १२ बजे प्यूठान नगरपालिका वडा नं ७ पुण्यखोलाबाट वाग्दुलातर्फ जाँदै गरेको ना३ख ३८८३ नंको बसमा चढ्ने क्रममा घाइते भएकी सीमा भण्डारीको बिहीबार मृत्यु भएको हो ।

उक्त बसबाट खस्दा गम्भीर घाइते भएकी वडा नं ६ लङ्कवाङ निवासी १८ वर्षीया सीमा भण्डारीको मृत्यु भएको जिल्ला प्रहरी कार्यालय प्यूठानका सूचना अधिकारी एवं प्रहरी निरीक्षक पोषण ढकालले बताउनुभयो ।

घाइतेलाई जिल्ला अस्पताल बिजुजारमा सामान्य उपचारपश्चात् भैरहवा मेडिकल कलेजमा लगिएको थियो । त्यहाँ पनि उपचार सम्भव नभएपछि पुनःकाठमाडौँको ब्लुक्रस हस्पिटलमा ल्याईएको थियो । ब्लुक्रस हस्पिटलमा उपचारका क्रममा उनको मृत्यु भएको प्रहरी निरीक्षक ढकालले बताउनुभयो ।सवारी र चालक प्रहरीको नियन्त्रणमा रहेको उहाँको भनाइ छ ।