हामी सबैकाे संसारन्यूज

विश्वव्यापी फैलिएको कोभिड –१९ हाल सम्म १६६ भन्दा बढी देश र विभिन्न भौगोलिक क्षेत्रलाई आफ्नो चपेटामा पारिसकेको छ । जसका कारण १० हजार भन्दा बढीको मृत्यु भइसकेको छ ।

विश्वमा २ लाख भन्दा बढी यसका संक्रमित रहेका छन् । जसमा विभिन्न देशका राजनीतिज्ञ, सेलिब्रेटी र खेलकुद क्षेत्रका हस्तिहरु पनि यसको चपेटामा परेको समाचारहरु सार्वजनिक भइरहेका छन् । जसका कारण विश्वका ठूला खेलहरु अर्को मितिका लागि सारिएको छ ।

फेसन सम्मेलनहरु आउँदा दिनका लागि सारिएका छन् । नेपालसहित धेरै देशका वर्षभरीका योजनाहरु यतिबेला पछि धकेलिँदै गएका छन् । कोरोना भाइरसका कारण नयाँ नयाँ समस्या पैदा हुँदै गएको र तत्कालका लागि नयाँ नयाँ निर्णयहरु पनि गरिरहेका छन् ।

यी हुन् त राजनीतिज्ञ,सेलिब्रेटी र खेलाडीहरु

Antonio Viera Monteiro- पोर्चुगिज युनिट अफ स्टान्डर्ड, जुन स्पेनको ठूलो बैंकका अध्यक्ष रहेका मोन्टिरियोको बुधबार कोरोना भाइरस संक्रमणका कारण मृत्यु भएको हो । उनी ७३ वर्षका थिए ।

Jeremy Issacharoff -जर्मनीका लागि इजरायलका राजदूत रहेका उनमा पनि भाइरस पोजेटिभ देखिएको छ ।

कात्रो वासिमा – जापान फुटवल संघका अध्यक्ष रहेका वासिमामा मार्च १७ मा कोरोना भाइरस संक्रमण भएको पुष्टि भएको छ ।

Madine Dorries– युकेका स्वास्थ्यमन्त्री रहेकी उनलाई मार्च १० मा भाइरस संक्रमण देखिएको थियो ।

Peter Dutton- अष्ट्रेलियाका पूर्वगृहमन्त्री पिटर डटन पनि कोरोना भाइरसको चपेटामा परेका छन् । उनी संक्रमण देखिएपछि हाल क्वारेन्टाइनमा रहेको बताइएको छ ।

मासौमेह टेकर –इरानी उपपराष्ट्रपति मासौमेह पनि कोरोना भाइरसको चपेटामा परेका छन् । उनी सक्रमित हुने देशका शीर्ष सरकारी अधिकारी हुन् ।

Sophie Grégoire Trudeau-युकेको यात्रापछि क्यानडा फर्किएकी क्यानडाका प्रधानमन्त्री जस्टिन टुडोकी श्रीमतीमा पनि मार्च १२ मा कोभिड १९ पोजेटिभ देखिएको छ । उनका अनुसार उनी आफ्नो श्रीमानसँगै क्वारेन्टाइनमा २ हप्तासम्म बस्ने बताएको अन्तराष्ट्रिय संचारमाध्यमले उल्लेख गरेका छन् ।

बेगोना गोमेज –स्पेनका प्रधानमन्त्रीकी पत्नि बेगोना गोमेजमा पनि कोरोना संक्रमण भएको छ । अधिकारीका अनुसार प्रधानमन्त्री र उनको स्वास्थ्य ठिक रहेको छ ।

पेरे आरागेनस-क्याटालान सरकारका उपप्रमुख रहेका आरागेनसमा मार्च १५ मा कोरोना भाइरसको संक्रमण परीक्षण गरिएको थियो । जसमा पोजेटिभ देखिएको थियो ।

फ्रान्सिस सुआरेज- संयुक्त राज्य मियामी सहरका मेयरमा मार्च १३ मा कोरोना भाइरस संक्रमण देखिएको थियो ।

त्यसैगरी सेलिब्रेटी तर्फबाट टाम हानक र उनकी श्रीमती रिता विल्सन हलिउडका चर्चित सेलिब्रेटी जोडी हुन् । उनीहरुमा मार्च ११ मा कोरोना संक्रमण भएको बताइएको छ ।

इद्रिस- युकेका कलाकार तथा संगीतकार रहेका उनमा कोरोना भाइरस पोजेटिभ देखिएको बताइएको छ ।

क्रिस्टोफर हिज्जु-४१ वर्षीय हिज्जु गेम अफ थ्रीन्सभा टोरोन्डको भूमिका खेलेका थिए । उनीमा पनि मार्च १७ मा कोभिड १९ देखा परेको बताइएको छ ।

खेलाडीहरु
वटावा सिनेत्रस नाम नखुलाईएका–अमेरिका नेशनल हक्की लिगको टिम वटावा सिनेत्रसका खेलाडीमा देखा परेको छ र हाल उक्त खेलाडीलाई आइसोलेसनमा राखिएको बताइएको छ ।

डिप्रोटिमो एलभेष- स्पेनिस फुटवल क्लबमा १५ व्यक्तिमा देखा परेको छ । पहिलो टोलीका तीन खेलाडीहरु र कोचिङ स्टाफका सात सदस्यमा कोरोना संक्रमण देखिएको बताइएको छ ।

तलाइस माइिडि- जुभेन्टस तथा फ्रान्सका मिड फिल्डरमा मार्च १७ मा भाइरस संक्रमणको लक्षण देखा परेको छ । उनी आफ्नै घरको आइसोलेसनमा बसेका छन् भने हाल उनमा त्यस्तो लक्षण देखा परेका छैनन् ।

अर्का जुभेन्ट् तथा इटालीका डिभेन्डर समेत रहेका डेनियल रिउग्यानीलाई पनि कोरोना संक्रमण देखिएको बताइएको छ ।

माइकल अर्टेटा –इङल्याण्ड फुटवल प्रिमियर लिगमा पहिलो पटक कोरोना देखिएका ३७ वर्षीया आरसनलका म्यानेजर हुन् ।

वयालम हडसन ओडीइ चेल्सीका लागि उइङगरका रुपमा खेल्दै आएका उनीमा पनि मार्च १२ मा कोरोना भाइरस संक्रमण देखापरेको हो ।

पाउलो डिबाला –जभेन्ट्स तथा अर्जेन्टिनाका राष्ट्रिय टिमका लागि खेल्ने खेलाडी हुन् । उनलाई कोरोना संक्रमण देखिएको छ ।

त्यसैगरी एनबिएका खेलाडी रुडो गोबट् डोनाभान मित्चेल, क्रस्टिन तथा ब्रुकलिन नेटका चार खेलाडीमा पनि भाइरस संक्रमण देखा परेको छ ।

कोलम्बियाका साइकल धावक पेरनाडो ग्याभिरिया र डिमीरेटी स्ट्राकोभमा पनि कोरोना भाइरस संक्रमण देखा परेको छ ।