Sansar News
७ चैत, काठमाडौँ । नेपाल सरकारको स्वामित्वमा स्थापित पहिलो पुनर्बीमा नेपाल पूनर्बीमा कम्पनी लिमिटेडले पूँजी बृद्धिका लागि निस्कासन गरेको प्राथमिक सेयरमा आबेदकको ओईरो लागेको छ । गत चैत्र ४ गतेदेखि खुला गरिएको प्राथमिक कित्ता सेयर शुक्रबार बन्द हुँदै छ ।
आरबिबि मर्चेन्ट बैंकिङ लिमिटेड मार्फत खुल्ला गरिएको सेयर बन्द हुने दिन शुक्रबार बिहान १० बजेसम्म ३ लाख ३७ हजार ३ सय १७ जनाले आबेदन गरेको आरबिबि मर्चेन्ट बैंकिङ लिमिटेडले जनाएको छ । सो समयाबधि सम्ममा ४ करोड ४८ लाख ७८ हजार ६ सय साठी कित्ता सेयर आबेदन परेको छ ।
कम्पनीले कूल १ करोड ६० लाख कित्ता सेयर निस्कासन गरेकोमा ७३ हजार ५०० कर्मचारिहरुका लागि, ८ लाख कित्ता सामूहिक लगानीकोषका लागि र बाँकि सबै सेयर सर्बसाधारणका लागि खुल्ला गरेको थियो ।
यो पनि हेर्नुहोस
वि.सं.२०७६ चैत ७ शुक्रवार १३:३२ मा प्रकाशित
